რუსეთის პრეზიდენტმა, ვლადიმირ პუტინმა ასტანაში შანხაის თანამშრომლობის ორგანიზაციის სამიტზე ჟურნალისტებთან საუბრისას განაცხადა, რომ რუსეთი ვერ იქნება პირველი, ვინც დათანხმდება ცეცხლის შეწყვეტას, რადგან არ არის დარწმუნებული, რომ უკრაინაც იგივეს გააკეთებს.
პუტინის მტკიცებით, 2022 წელს რუსეთმა გაიყვანა თავისი ქვედანაყოფები კიევის ოლქიდან, მაგრამ საპასუხო ნაბიჯები არ დამდგარა.
მან ასევე აღნიშნა, რომ უკრაინის ხელისუფლება „ვერ აკონტროლებს ყველა შეიარაღებულ ფორმირებას“.
„დაუშვებელია, რომ ცეცხლის შეწყვეტის შემდეგ მტერმა ისარგებლოს ამ ცეცხლის შეწყვეტით, რათა გააუმჯობესოს თავისი პოზიცია, მოახდინოს გადაიარაღება, ჯარის შევსება იძულებითი მობილიზაციის გზით და მზად იყოს შეიარაღებული კონფლიქტის გასაგრძელებლად“, – განაცხადა მან.
კომენტარები