„ქრონიკის“ ინფორმაციით, პარტია ,,ახლის’’ ყრილობა ჩაიშალა. ინფორმაციას უარყოფენ პარტიაში. „ახლის“ დამფუძნებელი ნიკა გვარამია ამბობს, რომ ყრილობის დანიშვნას ცესკოში რეგისტრაციის დასრულების შემდეგ გეგმავენ. მისი თქმით, დაგეგმილი იყო შეხვედრა ორგანიზაციებთან, თუმცა ტექნიკური მიზეზების გამო, ეს შეხვედრა რამდენიმე დღით გადაიდო.
„არა, პარტიის ყრილობა ხვალ დანიშნული არ იყო. ჩვენ ვაპირებდით შეხვედრას ჩვენს რამდენიმე ორგანიზაციასთან. მაგრამ გვაქვს საკითხები, რომელიც ჯერ უნდა გადავწყვიტოთ, მათ შორის ტექნიკურიც და უბრალოდ რამდენიმე დღით გადავდეთ. პარტიის ყრილობას ჩვენ ვაპირებთ რეგისტრაციის შემდეგ. ჯერჯერობით რეგისტრაციის ფურცელი არ მოსულა. შესაბამისად, პარტიის ყრილობა ვერ იქნებოდა თეორიულად”, – განაცხადა ნიკა გვარამიამ.
კომენტარები