საფრანგეთის ულტრამემარჯვენე ეროვნული გაერთიანების თავმჯდომარემ ჟორდან ბარდელამ, რომელიც გამარჯვების შემთხვევაში პრემიერ-მინისტრის პოსტის დაკავებას იმედოვნებდა, პრეზიდენტი მაკრონი არასტაბილურობის შექმნაში დაადანაშაულა. საპარლამენტო არჩევნების მეორე ტურში გამარჯვებულ მემარცხენეების ალიანსს ბარდელამ არაბუნებრივი და უსინდისო უწოდა.
„არაბუნებრივმა და უნამუსო ალიანსმა ფრანგ ხალხს ეროვნული გაერთიანების გამარჯვება წაართვა. ეს ალიანსები საფრანგეთს ულტრამემარცხენე ჟან-ლუკ მელანშონის ხელში აგდებს. პრეზიდენტმა ემანუელ მაკრონმა ქვეყანას გაურკვევლობისა და არასტაბილურობისკენ უბიძგა. მესმის ფრანგების იმედგაცრუება, მაგრამ უკვე თვეებია იმედის ქარი ძლიერდება და ის არსად გაქრება“, – განაცხადა ბარდელამ.
წინასწარი მონაცემებით, საფრანგეთის საპარლამენტო არჩევნების მეორე ტურში „ახალი სახალხო ფრონტი“ იმარჯვებს. მეორე ადგილზე გავიდა პრეზიდენტ ემანუელ მაკრონის კოალიცია, მესამეზე კი მარინ ლე პენის „ეროვნული გაერთიანება“.