„დიდი განსხვავებაა თურქ ხალხსა და თურქეთის მთავრობას შორის. ყველა თურქი პატარა ერდოღანი არ არის“, – განაცხადა ევროკომისიის პრეზიდენტმა ჟან-კლოდ იუნკერმა.
მისი თქმით, ევროკავშირში მცხოვრები თურქები „კარგად ინტეგრირებულნი არიან“ და „წვლილი შეაქვთ ევროკავშირის აყვავებაში“.
“ევროპაში მცხოვრები თურქები პასუხს არ აგებენ თურქეთის პრეზიდენტის რეჯეფ თაიფ ერდოღანის პოლიტიკაზე”, – აღნიშნა ჟან-კლოდ იუნკერმა.
იუნკერმა ასევე აღნიშნა, რომ მას არ აწუხებს თურქეთის მუქარა მიგრანტების შესახებ შეთანხმების შეწყვეტაზე.
„თურქეთის ინტერესებში არ შედის, რომ მის სანაპიროსთან კონტრაბანდისტებმა და ბანდიტებმა გავლენის ბერკეტები ჩაიგდონ ხელში“, – აღნიშნა ჟან-კლოდ იუნკერმა.
კომენტარები