ლონდონში, 22 მარტს მომხდარი ტერაქტის საქმეზე კიდევ ორი ადამიანი დააკავეს, – განაცხადა სკოტლანდ იარდის კონტრტერორისტული დანაყოფის ხელმძღვანელმა, მარკ როულიმ.
„ამ ეტაპზე ვიკვლევთ, მოქმედებდა თუ არა ხალიდ მასუდი მარტო ან იყო თუ არა შთაგონებული ტერორისტული პროპაგანდით, ხომ არ წაახალისეს ან ხომ არ მართავდნენ მას სხვა პირები“, – აღნიშნა მარკ როულიმ.
„ჩვენ ცხრა ადამიანი დავაკავეთ, ხოლო ერთი ქალი გირაოთი გავათავისუფლეთ“, – განაცხადა სკოტლანდ იარდის წარმომადგენელმა.
მან ასევე აღნიშნა, რომ ტერაქტის შედეგად დაშავებულთა რაოდენობა 50-მდე გაიზარდა. ორი პირი დღემდე კრიტიკულ მდგომარეობაშია.
კომენტარები