ფედერალურმა სასამართლომ ციურიხის პროკურატურის სარჩელი დააკმაყოფილა – შვეიცარიაში გაზრდილ 22 წლის კოსოვოელს, სერბის ცემისთვის, ქვეყანაში შესვლა ხუთი წლით აეკრძალა.
ახალგაზრდა კოსოვოელმა დანაშაული 2020 წლის აგვისტოში, არასრულწლოვანთა პროკურატურის მიერ დადგენილი გამოსაცდელი ვადის პერიოდში ჩაიდინა. დაზარალებულმა მძიმე დაზიანებები მიიღო. სისხლის სამართლის საქმის აღძვრის შემდეგ, კოსოვოელმა კიდევ რამდენიმე დანაშაული ჩაიდინა.
შვეიცარიის უმაღლესმა სასამართლომ დაადასტურა, რომ დამნაშავეს პირადი პრობლემები ჰქონდა. თუმცა, დეპორტაციის აუცილებლობა მოპასუხის ინტერესებს აღემატებოდა. ამასთან, დიდი მნიშვნელობა მიენიჭა დანაშაულის სიმძიმეს და იმ საფრთხეს, რომელსაც ბრალდებული საზოგადოებისთვის წარმოადგენდა. არსებობდა რეციდივის რისკიც.
კიდევ ერთი ასპექტი, რაზეც სასამართლომ გაამახვილა ყურადღება, იყო ის, რომ ახალგაზრდა კოსოვოელი საზოგადოებაში ეკონომიკურად არ იყო ინტეგრირებული. დეპორტაციის საფრთხის მიუხედავად, მან ვერ შეძლო სტაბილური შრომითი საქმიანობის დაწყება.