დედაქალაქის მერი, კახა კალაძე ანა ჯაფარიძეს პარიზის პარალიმპიადაზე ბრინჯაოს მედლის მოპოვებას სოციალურ ქსელში ულოცავს.
„გილოცავთ, ზაფხულის 2024 წლის პარალიმპიურ თამაშებზე პირველი მედალი საქართველოს ანა ჯაფარიძემ მოუტანა.
ვულოცავ ანას და საქართველოს პარატაეკვანდოს ნაკრებს ამ წარმატებას!
ველით ჩვენი სპორტსმენების მორიგ გამარჯვებებს პარალიმპიური თამაშებიდან.“ – აღნიშნულია კახა კალაძის მილოცვაში.
პარიზში მიმდინარე ზაფხულის პარალიმპიური თამაშების სადებიუტო დღეს საქართველოს ნაკრების წევრმა პარატაეკვონდოში, ანა ჯაფარიძემ (52კგ) ბრინჯაოს მედალი მოიპოვა.
ქართველმა პარასპორტსმენმა მესამე ადგილისთვის დაპირისპირებაში ეგვიპტელი მოწინააღმდეგე დამატებით დროში მსაჯთა გადაწყვეტილებით დაამარცხა.
კომენტარები