გერმანიამ ავღანელი მსჯავრდებული მიგრანტების სამშობლოში დეპორტაცია განაახლა. ინფორმაციას Reuters-ი ავრცელებს.
როგორც სააგენტო იუწყება, პირველი სადეპორტაციო რეისი ქაბულის მიმართულებით დღეს შედგა. ლაიფციგის აეროპორტიდან აფრენილ რეისზე, სისხლის სამართლის 28 დამნაშავე იმყოფებოდა.
ავღანელი მსჯავრდებულების დეპორტაცია გერმანიამ კატარის შუამავლობით, რამდენიმეთვიანი საიდუმლო მოლაპარაკებების შემდეგ განაახლა. გერმანიის მთავრობამ რეგიონში საკვანძო პარტნიორებს პროცესში მხარდაჭერისთვის მადლობა გადაუხადა.
ბოლოს გერმანიის მთავრობამ ავღანელების დეპორტაცია 2021 წელს განახორციელა, სანამ ქვეყანას ხელში თალიბები ჩაიგდებდნენ.
კომენტარები