ბენიამინ ნეთანიაჰუმ ისრაელელებს პატიება სთხოვა იმის გამო, რომ ვერ დააბრუნა სახლში 6 მძევალი, რომელთა ცხედრებიც ღაზაში შაბათს აღმოაჩინეს.
BBC- ს ცნობით, ისრაელის პრემიერ-მინისტრმა ქვეყანაში მიმდინარე მასობრივი საპროტესტო აქციებისა და გაფიცვის ფონზე გააკეთა.
„პატიებას გთხოვთ იმის გამო, რომ თქვენი საყვარელი ადამიანები ცოცხლები ვერ დავაბრუნეთ. ახლოს ვიყავით, მაგრამ წარმატებას ვერ მივაღწიეთ“, – განაცხადა მან და აღნიშნა, რომ ისრაელი ღაზაში სამხედრო ოპერაციას მაინც გააგრძელებს, იმის მიუხედავად, რომ „ჰამასი“ შეთანხმების მიუღწევლობის შემთხვევაში დარჩენილი მძევლების მკვლელობით იმუქრება.
მძევლების მკვლელობას ისრაელში მასშტაბური საპროტესტო აქციები მოჰყვა, რომლებშიც ათობით ათასმა ადამიანმა მიიღო მონაწილეობა. გუშინ ქვეყანაში საყოველთაო გაფიცვა გაიმართა, საღამოს კი საპროტესტო აქცია ნეთანიაჰუს სახლთან გაიმართა, რა დროსაც სულ მცირე 10 ადამიანი დაიკავეს.
2023 წლის 7 ოქტომბერს „ჰამასმა“ 251 ადამიანი გაიტაცა, 1 200 კი თავდასხმის დროს დაიღუპა. „ჰამასის“ მიერ კონტროლირებული ჯანდაცვის სამინისტროს ინფორმაციით, ისრაელის მიერ ღაზაში დაწყებულ სამხედრო კამპანიას უკვე 40 530-ზე მეტი ადამიანი ემსხვერპლა.