„ქართული ოცნების“ დელეგატი ზვიად შალამბერიძე, სოფელ გეგუთში ერმილე გიგიაძის სახლში იმყოფებოდა. მან გარდაცვლილის ოჯახს პირადად მიუსამძიმრა.
ზვიად შალამბერიძის თქმით, რადიკალური ოპოზიცია საუბრობს სიძულვილის ენით და დევნის განსხვავებული აზრის მქონე ადამიანებს.
„არც ერთი სკამი დედამიწის ზურგზე, არც საპარლამენტო, არც მთავრობის არ ღირს არც ერთი ადამიანის სიცოცხლედ. და ეს მინდა, კი არ ვუთხრა, მინდა შევახსენო რადიკალურ ოპოზიციას, რომლებმაც პირველივე დღიდან დაიწყეს სიძულვილის ენით საუბარი და რომელთა ლიდერებიც აძლევენ მაგალითს თავიანთ ქვეშევრდომებს თუ როგორ უნდა დევნონ ჩვენს ქვეყანაში განსხვავებული აზრი“, – განაცხადა ზვიად შალამბერიძე.
წყალტუბოში, სოფელ გეგუთის მიკროშტაბში კარდაკარის მიმდინარეობისას ოპოზიციის აქტივისტი, როლანდ ნუცუბიძე „ქართული ოცნების“ წევრებს მიუვარდა და მძიმე სიტყვიერი შეურაცხყოფა მიაყენა. ურთიერთშელაპარაკების დროს ნუცუბიძემ მმართველი პარტიის წევრს, ერმილე გიგიაძეს რამდენჯერმე შეაგინა. გიგიაძე ნერვიულობის ნიადაგზე შეუძლოდ გახდა და ადგილზე გარდაიცვალა.