“ჩემთვის რამდენადაც ცნობილია, ჩვენი საგარეო საქმეთა კომიტეტის თავმჯდომარე, ნიკოლოზ სამხარაძე შეხვდა აღნიშნულ პიროვნებებს”, – ასე გამოეხმაურა საპარლამენტო უმრავლესობის წვერი, ლევან მაჭავარიანი ოპოზიციონერი დეპუტატების განცხადებებს, რომ ბუნდესტაგის წარმომადგენლებს პარლამენტის სპიკერი და არავინ აღმასრულებელი ხელისუფლებიდან არ შეხვდა.
მისი თქმით, ოპოზიცია მოკლევადიანი ტყუილებით ცდილობს ფონს გასვლას.
„ჩემთვის რამდენადაც ცნობილია, ჩვენი საგარეო საქმეთა კომიტეტის თავმჯდომარე, ნიკოლოზ სამხარაძე შეხვდა აღნიშნულ პიროვნებებს. ოპოზიცია ყოველთვის ცდილობს, რომ ფონს მოკლევადიანი ტყუილებით გავიდეს. ეს ნახევარსაათიანი ტყუილი აღმოჩნდა, რასაც მიჩვეულები არიან. იმასაც ვერ ხვდებიან, რომ ეს საზოგადოებაზე ძალიან ნეგატიურად მოქმედებს იმ კუთხით, რომ შეიძლება თავისი ერთგული ამომრჩეველიც დაკარგონ, როდესაც დააკვირდებიან რომ ყოველდღიურ რეჟიმში იტყუებიან. ეს ტყუილები აქამდე თუ ერთ და ორკვირიანი იყო, ახლა 10-წუთიან და ნახევარსაათიან ტყუილებზე ჩამოვიდნენ”, – განაცხადა მაჭავარიანმა.
ცნობისთვის, საპარლამენტო უმრავლესობის წევრის, ნიკოლოზ სამხარაძის განცხადებით, ოპოზიციონერი პოლიტიკოსების განცხადება, თითქოს ბუნდესტაგის დელეგაციას არ ხვდებოდა – ტყუილია. მისივე თქმით, შეხვედრა შედგა და სხვადასხვა საკითხი იქნა განხილული.