„ქართული ოცნება-დემოკრატიული საქართველოს“ ზუგდიდის დელეგატობის კანდიდატი დავით კოდუა, ჩხოუშის ადმინისტრაციულ ერთეულში მოქალაქეებს შეხვდა.
კოდუამ მოქალაქეებთან საუბარში აღნიშნა, რომ ყველა სოფელსა და ქალქის ყველა უბანში პრიორიტეტების დოკუმენტი შეიქმნება, სადაც პროექტებს თავად მოქალაქეები აირჩევენ.
„დღის ბოლოს, შეხვედრები სოფელ ჩხოუშში გავმართეთ. ადგილობრივები სოფლისთვის სახელის შეცვლას და მისთვის ახალი ოდიშის დარქმევას ითხოვენ. შესაბამისი პროცედურების გავლის შემდეგ, ასეც ვგეგმავთ. სოფელში არსებული საჭიროებების შესახებ ადგილობრივებისგან ინფორმაცია მივიღე. პარლამენტში ჩემი უფლებამოსილების ცნობის დღიდან დავიწყებთ ყველა სოფელსა და ქალაქის ყველა უბანში პრიორიტეტების დოკუმენტის შექმნას. ეს იქნება ადგილობრივი მოსახლეობის მიერ განსაზღვრული პროექტების ნუსხა, რომელსაც თავადვე აირჩევენ და მოსახლეობას ეცოდინება, რა პერიოდში განხორციელდება მათ მიერ მოთხოვნილი სამუშაოები. ჩვენ მოქალაქეებთან არ მივდივართ დაპირებებით, მივდივართ საქმით, რომლის კეთებასაც მათთან ერთად ვაპირებ“, – აცხადებს კოდუა.