პოლკოვნიკ სერგო თეთრაძის საქმეზე სასამართლო პროცესი დახურულ რეჟიმში გაიმართა. სხდომას დაესწრო ბრალდებული ბაჩო ახალაია.
ჟურნალისტი ნინო მიქიაშვილი აღნიშნულ თემას ეხმიანება.
“სერგო თეთრაძის წამების საქმისა განხილვაზე ახალაიას პროცესი დღესაც დაიხურა. 15 საათზე ჩანიშნული სხდომიდან სამი ჟურნალისტი და ახალაიას ოჯახის წევრები და გულშემატკივრები (აკაკი მინაშვილიანად ჯამში 7-8 ადამიანი) სასამართლო დარბაზიდან 15:15 წუთზე გამოვედით. მანამდე პროკურორებმა პროცესის დახურვაზე შუამდგომლობა წარადგინეს – სამხედრო პოლიციის ყოფილი უფროსი, ლევან ზაქრაძე უნდა დავკითხოთ, მას კითხვები სახელმწიფო საიდუმლოების შემცველ დოკუმენტებთან დაკავშირებით უნდა დავუსვათ და სხდომის დახურვას ამიტომ ვითხოვთო.
ბაჩანა ახალაია თვალშისაცემად შეცვლილია – ისეა მომატებული, კანში ვეღარ ეტევა”– აცხადებს ჟურნალისტი ნინო მიქიაშვილი.