“ჰეზბოლას“ ლიდერის მკვლელობის შესახებ ინფორმაციის შემდეგ ირანის უზენაესი ლიდერი უსაფრთხო ადგილას გადაიყვანეს

ირანის უზენაესი ლიდერი აიათოლა ალი ხამენეი „ჰეზბოლას“ ლიდერის ჰასან ნასრალას ლიკვიდაციის შესახებ ცნობების გავრცელების შემდეგ უსაფრთხო ადგილას გადაიყვანეს. ინფორმაციას Reuters-ი საკუთარ წყაროზე დაყრდნობით ავრცელებს.

სააგენტოს ცნობით, ალი ხამენეი ირანშია. ირანის ხელმძღვანელობა „ჰეზბოლასთან“ მოლაპარაკებებს მართავს და სამომავლო ნაბიჯებზე მსჯელობს, მას შემდეგ, რას ისრაელმა ნასრალას ლიკვიდაცია გამოაცხადა.

ისრაელის თავდაცვის არმიამ („ცაჰალმა“) დღეს გაავრცელა ცნობა, რომ გუშინ ლიბანის დედაქალაქ ბეირუთზე მიტანილი საჰაერო იერიშის შედეგად „ჰეზბოლას“ ლიდერის ლიკვიდაცია მოახდინა.