უკრაინის თავდაცვის სამინისტროს მთავარი სადაზვერვო სამმართველოს კიბერ-სპეციალისტების მიერ ჩატარებული ოპერაციის შედეგად, 23-დან 26 სექტემბრამდე, რუსეთის სხვადასხვა რეგიონში, 800-ზე მეტ სერვერზე თავდასხმა განხორციელდა.
ამის შესახებ უკრაინის საზოგადოებრივ მაუწყებელს (Suspilne) სამხედრო დაზვერვის წყარომ განუცხადა.
მთავარი სადაზვერვო სამმართველოს კიბერ-კორპუსის შეტევის შედეგად, მთლიანად განადგურდა ამ სერვერებზე შენახული დოკუმენტები და მონაცემები. საუბარია სამხედრო, ადმინისტრაციული და ფინანსური ინსტიტუტების სერვერებზე, რომლებიც მხარს უჭერენ რუსეთის აგრესიას უკრაინის წინააღმდეგ.
„დოკუმენტაციის და მონაცემებისა დაკარგვამ სხვადასხვა სფეროში მომხმარებლებისა და სერვისის პროვაიდერების ნაწილობრივი ან სრული გათიშვა გამოიწვია. მათი მწყობრში მოყვანა დამატებით რესურსების მოძიებას საჭიროებს და და კიდევ ერთხელ აჩვენებს ადგილობრივ მოსახლეობას, ტექნიკური მხარდაჭერის რაოდენ დაბალი დონეა რუსეთის ფედერაციაში“, – აღნიშნა წყარომ.
აღსანიშნავია, რომ სერვერებზე, რომლებზეც თავდასხმა განხორციელდა, ყველა მონაცემი მათი აღდგენის შესაძლებლობის გარეშე წაიშალა.
აგვისტოში, უკრაინის თავდაცვის სამინისტროს მთავარი სადაზვერვო სამმართველოს კიბერ-სპეციალისტებმა, ჰაკერულ ჯგუფ BO Team-თან ერთად, ჩელიაბინსკის ოლქში მწყობრიდან გამოიყვანეს პროვაიდერ „ვეგას“ აღჭურვილობა. ამის გამო, ბირთვული იარაღის წარმოების რუსული საწარმო ინტერნეტისა და კომუნიკაციების გარეშე დარჩა.