კესარია აბრამიძის ოჯახი პირველ განცხადებას ავრცელებს

კესარია აბრამიძის ოჯახი პირველ განცხადებას ავრცელებს. განცხადება სასამართლო გადაწყვეტილებას ეხება.
ოჯახს, ბექა ჯაიანის შეურაცხადობის და აფექტის არ სჯერა. კესარიას ოჯახის პოზიცია დღეს მათმა ადვკატმა გააჟღერა, მან თქვა, რომ ტრანსგენდერის ოჯახი სასჯელის ზომად და სახედ თავისუფლების უვადო აღკვეთას ითხოვს. იმ შემთხვევაში, თუ მკვლელობისთვის დაკავებული ბექა ჯაიანი ციხის ნაცვლად ფსიქიატრიულ კლინიკაში გაუშვეს, ტრანსგენდერი ქალის ახლობლები ბოლომდე ბრძოლას აანონსებენ.
მოკლული ქალის ოჯახის პოზიცია დღეს მათმა ახლობელმა ტვ პირველთან გააჟღერა, რომელმაც თქვა, რომ ტრანსგენდერის ოჯახი სასჯელის ზომად და სახედ თავისუფლების უვადო აღკვეთას ითხოვს.
არსებობენ მოწმეები, რომლებიც ადასტურებენ, რომ ამ საბედისწერო შემთხვევამდე არაერთხელ ყოფილა კონფლიქტი მათ შორის, რისი მიზეზიც იყო კესარიას ორიენტაციაზე მითითება ბრალდებულის მხირდან. ფაქტია ერთი, რომ პირმა განიზრახა დანაშაულის ჩადენა, მკვლელობა, შეიძინა დანაშაულის იარაღი, ავიდა, სისრულეში მოიყვანა მისი განზრახვა, განსაკუთრებული სისასტიკით, გენდერული შეუწყნარებლობის მოტივით ადამიანი გამოასალმა სიცოცხლეს, გაიქცა, გადამალა მტკიცებულებები, გაანადგურა მტკიცებულება – ტანსაცმელი და სცადა დაეტოვებინა ქვეყნის საზღვარი. სად არის აქ აფექტი ან შეურაცხადობა. ოჯახი არც კი განიხილავს ვადიან თავისუფლების აღკვეთას. ოჯახის მოთხოვნაა, რომ აღნიშნული პირის მიმართ დადგეს გამამტყუნებელი განაჩენი და სასჯელის ზომად და სახედ განესაზღვროს თავისუფლების უვადო აღკვეთა”, – ამბობს ოჯახის ახლობელი.
კესარია აბრამიძის მკვლელობაში ბრალდებულს ფსიქიატრიულ-ფსიქოლოგიური ექსპერტიზა დაენიშნა. 26 წლის ბექა ჯაიანის ლევან სამხარაულის სახელობის სასამართლო ექსპერტიზის ეროვნულ ბიუროში მოთავსების შესახებ თბილისის საქალაქო სასამართლოს დღეს შუამდგომლობით პროკურატურამ მიმართა.
თუ დადგინდება, რომ დანაშაულის ჩადენის მომენტში ბექა ჯაიანი შეურაცხადი იყო, მაშინ არ არის გამორიცხული, რომ ის ციხის ნაცვლად, კლინიკაში გაუშვან.
კესარიას მკვლელობისთვის ბრალდებულის ადვოკატები ბექა ჯაიანის მძიმე ფსიქოლოგიურ მდგომარეობაზე საუბრობენ – უფლებადამცველის თქმით, თუ ბექა ჯაიანის შეურაცხადობა დადგინდა, მას ბრალად “შერაცხული დანაშაული აღარ შეერაცხადება”.
ადვოკატი ამბობს, რომ ამის შემდეგ კესარიას მკვლელობაში ბრალდებულს ციხის ნაცვლად, სასჯელის მოხდა ფსიქიატრიულ დაწესებულებაში მოუწევს.
ექსპერტიზის დროს, შესაძლებელია ესეც დადგინდეს, აფექტურ მდგომარეობაში იყო, ძლიერი სულიერი აღლევების მდომარეობაში იყო თუ შერაცხადობა. შეურაცხადობის დადგენა მნიშვნელოვანია იმისათვის, რომ დანაშაულის შემადგენლობა ზოგადად არსებობდეს. თუ შეურაცხადობა დადგინდა, ბუნებრივია მას ბრალად შერაცხული დანაშაული აღარ შეერაცხადება, ანუ მასში დამნაშავედ ვეღარ ცნობს სასამართლო და დაენიშნება იძულებითი ფსიქიატრიული მკურნალობა. შესაძლებელია დადგეს შეზღუდული შერაცხადობა, რაც არის ბრალის შემამსუბუქებელი გარემოება”, – ამბობს ადვოკატი.
ტრანსგენდერი ქალი კესარია აბრამიძე საკუთარ სახლში 18 სექტემბერს მოკლეს. მას სხეულზე დანით 28 ჭრილობა ჰქონდა მიყენებული. მკვლელობის ბრალდებით მისი ყოფილი პარტნიორი ბექა ჯაიანია დაკავებული.
გამოძიება სისხლის სამართლის კოდექსის 109-ე მუხლის „თ“ და „მ“ პუნქტებით მიმდინარეობს, რაც გენდერის ნიშნით განსაკუთრებული სისასტიკით დამამძიმებელ გარემოებაში ჩადენილი განზრახ მკვლელობას გულისხმობს.