პენტაგონის სპიკერის მოადგილემ, საბრინა სინგჰმა კომენტარი გააკეთა უკრაინისა და ისრაელის წინააღმდეგ საჰაერო თავდასხმების მოგერიებაში მოკავშირეთა მონაწილეობის საკითხზე. ინფორმაციას ამის შესახებ უკრაინული მედია ავრცელებს.
მისი თქმით, „ჩვენ ვსაუბრობთ ორ ძალიან განსხვავებულ ლანდშაფტსა და ბრძოლის ველზე“.
„პრეზიდენტმა ბაიდენმა, როდესაც რუსეთი უკრაინაში შეიჭრა, დავალება გასცა, რომ უკრაინისათვის მიეწოდებინათ ის, რაც მას სჭირდებოდა ბრძოლის ველზე. მათ [უკრაინელებმა] ძალიან წარმატებულად გამოიყენეს საჰაერო თავდაცვის საშუალებები და სხვა შესაძლებლობები თავიანთი ტერიტორიის დაბრუნების გასაგრძელებლად“, – აღნიშნა საბრინა სინგჰმა.
კითხვაზე, პოლონეთის ან რუმინეთის ტერიტორიიდან [რუსეთის] საჰაერო სამიზნეებზე დარტყმების შესაძლებლობის შესახებ, სინგჰმა უპასუხა:
ეს ომში სხვაგვარად ჩათრევას ნიშნავს. ამჟამად ჩვენ მიგვაჩნია, რომ უკრაინა წარმატებით იცავდა და იცავს თავს რუსული მხარის მიერ განხორციელებული დარტყმებისგან მათ ქალაქებზე, მოსახლეობაზე, ინფრასტრუქტურაზე. ჩვენ კვლავაც უზრუნველვყოფთ, რომ მათ ჰქონდეთ ამისთვის საჭირო მხარდაჭერა.