ერთი ოჯახის ტრაგედია და დანგრეული ცხოვრება – სინამდვილეში არა ერთის, არამედ მთელი საქართველოს უმძიმესი წარსულია, – განაცხადა გიორგი ზერეკიძეზე საუბრისას ტელეკომპანია „იმედის“ გენერალური დირექტორის მოადგილემ, გადაცემა „იმედის კვირის“ წამყვანმა, ირაკლი ჩიხლაძემ.
მისივე თქმით, 14 წლის გიორგი ზერეკიძე სააკაშვილის „ნულოვან ტოლერანტობას“ მსხვერპლად შესწირეს – მშობლები დაუჭირეს, მამა ციხეში მოუკლეს, დედა ემიგრაციაში წავიდა, თავად კი ბავშვობის წლები გისოსებს მიღმა გაატარა, იქ, სადაც ყოველდღე ვიღაცას კლავდნენ, აწამებდნენ და ამ ყველაფრის ყურებას პატარა ბიჭს აიძულებდნენ.
„გიორგის სურს საკუთარი ისტორია იმ ახალგაზრდებს მოუყვეს, ვისაც „ნაციონალური მოძრაობის“ რეჟიმის სისასტიკე საკუთარი თვალით არ უნახავს და დღეს, ამ მოძალადე სისტემის წარმომადგენლები მათ მოტყუებას ცდილობენ.
ფილმი ,,ნულოვანი ტოლერანტობა“ ყველამ უნდა ნახოთ, რომლის პრემიერა პარასკევს, 11 ოქტომბერს კინოს სახლში შედგა. რეჟიმი რომელიც კლავდა და ანადგურებდა ადამიანებს – ნახეთ ვარლამ წიკლაურის რეპორტაჟში“, – განაცხადა წამყვანმა.