სალომე ზურაბიშვილმა არ გაითვალისწინა სახელმწიფო დეპარტამენტის მოწოდება – ეთანამშრომლა გამოძიებასთან, თქვა უარი, იმიტომ რომ სათქმელი არაფერი აქვს პროკურატურასთან, – განუცხადა საქართველოს პრემიერ-მინისტრმა ირაკლი კობახიძემ უნგრეთში ჟურნალისტებს.
მისივე თქმით, არჩევნები ჩატარდა უპრეცედენტოდ ხარისხიანად.
„ერთადერთი კონკრეტული მოწოდება იყო მოწოდება გამოძიებასთან დაკავშირებით. თქვენ იცით, რომ მყისიერად დაიწყო გამოძიება, ცესკომ მიმართა პროკურატურას, პროკურატურამ მეორე დღეს აღძრა საქმე, დაიწყო გამოძიება, შემდეგ სახელმწიფო დეპარტამენტმა მოუწოდა სალომე ზურაბიშვილს ეთანამშრომლა გამოძიებასთან, მაგრამ ამაზე სალომე ზურაბიშვილმა თქვა უარი, მან არ გაითვალისწინა სახელმწიფო დეპარტამენტის მოწოდება. რატომ არ გაითვალისწინა, იმიტომ რომ სათქმელი არაფერი აქვს პროკურატურასთან, ვინაიდან არჩევნები ჩატარდა უპრეცედენტოდ ხარისხიანად ჩვენს ქვეყანაში,“- განაცხადა პრემიერმა.