ოპოზიციამ აქცია ისევ თავად დაშალა. ტაიმაუტი გადაღლის ფონზე, ახალ გეგმაზე დასაფიქრებლად – ეს უთხრეს ხალხს, რომელსაც ყოველდღიურ რეჟიმში და ყველა სივრცეში, გარეთ გასვლისკენ მოუწოდებდნენ.
„რაღაც განსხვავებულია მოსაფიქრებელი. მეორე დღეს კიდევ აქ დგომა და მელიქიშვილის გადაკეტილი დატოვება შინაარსს არის მოკლებული, წავიდეთ დავისვენოთ და დღის განმავლობაში ჩვენ გადავიგეგმებით“, – განაცხადა ზურაბ ჯაფარიძემ.
ამ მოწოდების შემდეგ აქციაზე შემორჩენილმა რამდენიმე ათეულმა ადამიანმა მელიქიშვილის გამზირი დატოვა. მოგვიანებით ოპოზიციაში განაცხადეს, რომ პროტესტი გრძელდება და სად იქნება შეკრების ადგილი, ამას საზოგადოებას მალე შეატყობინებენ.
კომენტარები