პარლამენტის ევროპასთან ინტეგრაციის კომიტეტის თავმჯდომარემ, ლევან მახაშვილმა მედიასთან ზელენსკის განცხადება შეაფასა და აღნიშნა, რომ სასურველი იქნებოდა უკრაინის პრეზიდენტს საკუთარ ქვეყანაზე მეტი ეზრუნა.
„კარგი იქნება, თუ უკრაინის პრეზიდენტი, ისევე როგორც მისი ხელისუფლების სხვა პირები, საკუთარ ქვეყანაზე მეტს იზრუნებენ და იზრუნებენ იმაზე, რომ ეს ომი მალე დასრულდეს, რა თქმა უნდა უკრაინის ინტერესების გათვალისწინებით. სასურველი იქნებოდა მეტი ეზრუნათ საკუთარ ქვეყანაზე, ვიდრე სხვა ქვეყნებზე ზეწოლისთვის მოუწოდებენ ევროკავშირის, ნატოს თუ ცალკეულ სახელმწიფოებს“, – აღნიშნა ლევან მახაშვილმა.
უკრაინის პრეზიდენტი ევროპისგან საქართველოს ხელისუფლებაზე ზეწოლას ითხოვს. ვოლოდიმირ ზელენსკიმ ჩვენი ქვეყნის საწინააღმდეგო განცხადება ევროპული საბჭოს სხდომაზე გააკეთა.
კომენტარები