ბრატისლავაში ანტისამთავრობო დემონსტრაცია გაიმართა. რამდენიმე ათასმა ადამიანმა სლოვაკეთის პრემიერ-მინისტრის, რობერტ ფიცოს მოსკოვში, ვლადიმირ პუტინთან შეხვედრა გააპროტესტა.
ინფორმაციას ამის შესახებ სააგენტო „როიტერი“ ავრცელებს.
აქციის მონაწილეები ფიცოს მოღალატეს უწოდებდნენ. ზოგიერთ დემონსტრანტს ხელში ეკავა პლაკატები წარწერით – „ეს არ არის ჩემი პრემიერ-მინისტრი“.
საპროტესტო აქციაზე სიტყვით გამოვიდა სლოვაკეთის ყოფილი პრემიერ-მინისტრი ედუარდ ჰეგერი.
რობერტ ფიცოსა და ვლადიმირ პუტინის შეხვედრა გუშინ კრემლში გაიმართა.
კომენტარები