ეროვნული სატყეო სააგენტოს იმერეთის სატყეო სამსახურის თანამშრომლებმა, ხარაგაულის მუნიციპალიტეტში, სახელმწიფო ტყეში, 5 კუბურ მეტრამდე წითელი ნუსხით დაცული წაბლის სახეობის სამასალე მერქნის უკანონოდ მოპოვების ფაქტი გამოავლინეს. ამჟამად მიმდინარეობს გარემოზე მიყენებული ზიანის დაანგარიშება.
სააგენტოს ცნობით, ვინაიდან საქმე შეიცავს სისხლის სამართლის დანაშაულის ნიშნებს, მასალები შემდგომი რეაგირებისთვის, გადაიგზავნა შესაბამის საგამოძიებო უწყებაში. უკანონოდ მოპოვებული ხე-ტყე კი შემდგომი განკარგვის მიზნით, გადატანილია ზესტაფონის საქმიან ეზოში.
კომენტარები