აშშ-ის სახელმწიფო გემები პანამის არხის გავლით უფასოდ იმოძრავებენ. ინფორმაციას აშშ-ის სახელმწიფო დეპარტამენტი ავრცელებს.
„აშშ-ის სახელმწიფო გემები ახლა პანამის არხს გაივლიან უფასოდ, რაც აშშ-ის მთავრობას წელიწადში მილიონობით დოლარის ეკონომიის საშუალებას მისცემს“, – წერია სახელმწიფო დეპარტამენტის განცხადებაში.
სახელმწიფო დეპარტამენტში ასევე დასძინეს, რომ ამ გადაწყვეტილებას პანამის მთავრობაც დათანხმდა.
ცნობისთვის, აშშ-სა და პანამას შორის არხის გარშემო დაძაბულობა მას შემდეგ წარმოიშვა, რაც ამერიკის პრეზიდენტმა დონალდ ტრამპმა პანამის ხელისუფლება ტარიფებთან დაკავშირებით დაპირების შეუსრულებლობაში დაადანაშაულა. ტრამპი აგრეთვე ამბობდა, რომ ჩინეთის გავლენის გამო მას არხზე კონტროლის დამყარება სურდა.
კომენტარები