ინდოეთის პრემიერ-მინისტრი ნარენდრა მოდი 12-13 თებერვალს აშშ-ში ჩავა და პრეზიდენტ დონალდ ტრამპთან მოლაპარაკებებს გამართავს. ინფორმაციას Reuters-ი ავრცელებს.
როგორც სააგენტო აღნიშნავს, ტრამპმა მოდი ვაშინგტონში თავისი ინაუგურაციიდან ერთი კვირის თავზე დაპატიჟა. მოდის ვიზიტი აშშ-დან 104 დეპორტირებული ინდოელი მიგრანტის მიმართ არასათანადო მოპყრობის ფონზე შედგება.
Reuters-ის ცნობით, ვაშინგტონში ვიზიტამდე 10-12 თებერვალს მოდი საფრანგეთს ეწვევა, სადაც ქვეყნის პრეზიდენტს ემანუელ მაკრონს შეხვდება.
სააგენტოს მტკიცებით, ინდოეთი აშშ-ის სტრატეგიული პარტნიორია და მასთან ერთად უპირისპირდება ჩინეთს. ინდოეთს ამერიკასთან სავაჭრო კავშირების გაძლიერება და კვალიფიციური მუშა ხელისთვის ვიზების გაცემის გამარტივებული წესის შემოღება სურს.
კომენტარები