უკრაინის შეიარაღებული ძალები ცოცხალი ძალის მწვავე დეფიციტს განიცდის და რუსული ჯარების წინააღმდეგ დრონებით იბრძვის. ინფორმაციას The Wall Street Journal-ი ავრცელებს.
გამოცემის ინფორმაციით, ამ მეთოდით უკრაინა ოკუპანტების წინსვლას ანელებს, თუმცა მათ შესაჩერებლად ამჟამინდელზე 10-ჯერ მეტი ოდენობის ჯარი სჭირდება.
ქალაქ პოკროვსკის სიახლოვეს განლაგებულმა სამხედროებმა The Wall Street Journal-ს განუმარტეს, რომ შეიარაღებული ძალების რიგებში ახლად მიღებული ჯარისკაცები 40-50 წლის მამაკაცები არიან, რომელთაც არც გამოცდილება აქვთ და არც მოტივაცია.
სამხედროების თქმით, ისინი ზოგჯერ ფრონტის წინა ზოლში ბრძოლაზე უარს აცხადებენ და საკუთარ პოზიციებს მალევე ტოვებენ.
კომენტარები