“ინსტრუქციებს მხოლოდ საგარეო საქმეთა სამინისტროსგან ვიღებ და არა რაიმე გამოგონილი „დიფ სთეითისგან“

საგანგაშო ცნობები მოვისმინეთ, – ამის შესახებ გერმანიის ელჩი პიტერ ფიშერი აქციების დროს დაკავებულების ოჯახის წევრებთან შეხვედრის შემდეგ სოციალურ ქსელში წერს.

მისი თქმით, თუ საქართველო ამჟამინდელ გზაზე დარჩება, ამით რისკის ქვეშ დააყენებს მომავალს ევროკავშირში და გააუარესებს გერმანიასთან ურთიერთობებს.

„საგანგაშო ცნობები მოვისმინეთ დაკავებულთა ოჯახებისგან. საქართველო თუ ამჟამინდელ გზაზე დარჩება, ამით რისკის ქვეშ დააყენებს თავის მომავალს ევროკავშირში და გააუარესებს გერმანიასთან ურთიერთობებს. ამ გულწრფელ შეფასებას საქართველოსადმი პატივისცემისა და მეგობრობის გამო ვაკეთებ, რაც ყველამ იცის ჩემგან და რაც კარგად დოკუმენტირებულია. ნათლად რომ ვთქვათ: გერმანიის მთავრობისთვის 39 წელი ვიმუშავე და ინსტრუქციებს მხოლოდ საგარეო საქმეთა სამინისტროსგან ვიღებ და არა რაიმე გამოგონილი „დიფ სთეითისგან“, – წერს ფიშერი.

1/2 @PLinGEORGIA, we heard alarming testimony from families of detainees. If 🇬🇪 stays on current path, it risks its EU future & worse relations with 🇩🇪. I give this honest assessment out of respect & friendship to 🇬🇪, which everyone knows from me and which is well documented… pic.twitter.com/BLQ5BZuY0y

— Peter Fischer (@Diplo_Peter) February 7, 2025