ხვიჩა კვარაცხელიამ კომენტარი გააკეთა სადებიუტო გოლზე, რომელიც „პარი სენ-ჟერმენის“ ფორმით საფრანგეთის ჩემპიონატის 21-ე ტურში „მონაკოს“ „სტად დე ფრანსზე“ გაუტანა.
„ამ სტადიონზე და ამ გულშემატკივრების წინაშე გოლის გატანა საუკეთესო გრძნობაა. ძალიან ბედნიერი ვარ. ბევრს ვშრომობდი და ძალიან მინდოდა, გოლი მალე გამეტანა. ეს ამბავი დღეს მოხდა. მაგრამ შრომა უნდა გავაგრძელო, რათა „პარი სენ-ჟერმენთან“ ერთად უფრო მეტი გავიტანო.
აქ საჭიროა, რომ მხოლოდ ფეხბურთზე იყო კონცენტრირებული. ბედნიერი ვარ, რომ ამ გუნდის წევრი ვარ და ამ ბიჭების გვერდით ვთამაშობ“, – ამბობს ხვიჩა კვარაცხელია.
იგი მოედანზე პირველივე წუთებიდან იყო, პსჟ-ში ერთ-ერთი ყველაზე აქტიური და სასარგებლო გახლდათ 67-ე წუთამდე, სანამ მწვრთნელი დაასვენებდა. მისი გადაცემებით პსჟ-ის მოთამაშეებს პირველ ტაიმშიც შეეძლოთ ეხეირათ, მაგრამ ვერ მოახერხეს. ხვიჩამ კი საკუთარი შანსით 54-ე წუთზე ისარგებლა, კარის წინ დარჩენილმა მცველი და მეკარე ეფექტურად დააწვინა და ლიგა 1-ში საგოლე ანგარიში ეფექტური გოლით გახსნა.