გერმანიის კანცლერმა, ოლაფ შოლცმა გააკრიტიკა აშშ-ის ვიცე-პრეზიდენტის, ჯეი დი ვენსის სიტყვით გამოსვლა მიუნხენის უსაფრთხოების კონფერენციაზე.
„მე კატეგორიულად უარვყოფ იმას, რაც აშშ-ის ვიცე-პრეზიდენტმა, ჯეი დი ვენსმა მიუნხენის უსაფრთხოების კონფერენციაზე თქვა. ნაციონალ-სოციალიზმის გამოცდილებიდან გამომდინარე, გერმანიაში დემოკრატიულმა პარტიებმა საერთო კონსენსუსს მიაღწიეს – ეს არის დაცვითი ზღუდე უკიდურესად მემარჯვენე პარტიების წინააღმდეგ“, – აღნიშნა გერმანიის კანცლერმა.
მანამდე, ვენსმა გააკრიტიკა მიუნხენის კონფერენციის ორგანიზატორების გადაწყვეტილება, არ მიეწვიათ ფორუმზე „ალტერნატივა გერმანიისთვის“ და „სარა ვაგენკნეხტის კავშირი – გონიერებისა და სამართლიანობისთვის“, ასევე წამყვანი პარტიების უარი „ალტერნატივა გერმანიისთვის“ პარტიასთან თანამშრომლობაზე.
კომენტარები