3 სასტიკი წელი – უკრაინა სისხლისგან იცლება. იმავეს სთავაზობდნენ საქართველოს. იმავეს ითხოვდნენ თბილისისგან. ზუსტად ერთ კვირაში 23 თებერვალს 3 წელი სრულდება რუსეთის უკრაინაში შეჭრიდან და ამ სამი წლის თავზე შედეგები ორივე მხარისთვის კატასტროფულია, მაგრამ ომი უკრაინის ტერიტორიაზეა და რუსულმა აგრესიამ ქვეყანა პრაქტიკულად ერთი საუკუნით უკან დახია, მაგრამ უკუსვლას ვინ ჩივის, ასი ათასობით სიცოცხლე წაიღო, მილიონობით ადამიანი გახდა დევნილი…
ამერიკის შეერთებული შტატების პრეზიდენტმა თქვა: ,,მივიჩნევ, სწორედ იმიტომ დაიწყო ომი, რომ ბაიდენი გამოვიდა და თქვა – უკრაინელებს შეეძლოთ ნატოში გაწევრიანება. ეს თქვა 14 თებერვალს 2 დღის წინ. 3 წლის წინ იგივე თქვა საქართველოს მაშინდელმა პრემიერ მინისტრმა ირაკლი ღარიბაშვილმა – ,,ომის დაწყების ერთ-ერთი მიზეზი იყო უკრაინის ნება და განზრახვა, გამხდარიყო
ნატოს წევრი’’.
ჩვენ ვხედავთ შედეგებს – ,,ქართული ოცნების“ და შტატების დღევანდელი პრეზიდენტის ნათქვამის შინაარსი არის იდენტური, მაგრამ მაშინ ამ პოზიციის გამო შიდა თუ გარე მტრები პრაქტიკულად ყველა ერთად დაუპირისპირდა საქართველოს ხელისუფლებას. დაუპირისპირდა სიმართლისთვის და მშვიდობის დაცვისთვის. უდიდესი შანტაჟის, მუქარის, ულტიმატუმის თუ დიპლომატების მიერ მაგიდაზე მუშტების ბრახუნის მიუხედავად, მოთხოვნა, რომელიც ეწინააღმდეგებოდა ჩვენი ქვეყნის ინტერესებს, ,,ქართულმა ოცნებამ“ არ შეასრულა.
ვისაც გლობალური ომის პარტია მითი ეგონა, ვისთვისაც „დიფ სთეითი“ მხოლოდ სიტყვები იყო, ვისაც პოლიტიკური გრანტები ქველმოქმედება ეგონა, რომელიც სინამდვილეში მეორე ფრონტის გახსნის მცდელობას ხმარდებოდა.
ცოტნე გეგეჭკორის სიუჟეტი