უკრაინის საკითხზე შეთანხმების მისაღწევად და ორმხრივი ურთიერთობების დასარეგულირებლად, რუსეთმა აშშ-ს მოთხოვნების სია გადასცა.
ამის შესახებ ინფორმაციას „როიტერი“ ავრცელებს.
სააგენტოს წყაროები ამბობენ, რომ რუსმა და ამერიკელმა ოფიციალურმა წარმომადგენლებმა პირობები ბოლო სამი კვირის განმავლობაში განიხილეს.
„როიტერის“ ინფორმაციით, მოთხოვნები მოიცავს უკრაინისთვის ნატო-ს წევრობის გამორიცხვას; შეთანხმებას, რომ უცხოელი ჯარისკაცები უკრაინის ტერიტორიაზე არ განთავსდებიან და საერთაშორისო აღიარებას, რომ ყირიმი, ასევე უკრაინის ოთხი რეგიონი რუსეთს ეკუთვნის.
„როიტერი“ წერს, რომ მოსკოვი ომის დაწყების „ძირეული მიზეზების“ აღმოფხვრას მოითხოვს, რაც ნატო-ს აღმოსავლეთ გაფართოებას ეწინააღმდეგება.
კომენტარები