ესტონეთის საგარეო საქმეთა მინისტრი მარგუს ცაჰკნა უნგრეთისთვის ევროკავშირის საბჭოში ხმის უფლების შეჩერებას ითხოვს. ინფორმაციას ესტონური მედია ავრცელებს.
ესტონეთის საგარეო საქმეთა მინისტრი ინიციატივით მას შემდეგ გამოვიდა, რაც უნგრეთის მოთხოვნის გამო რუსეთის წინააღმდეგ მოქმედი სანქციების გახანგრძლივება გაჭიანურდა და გადაწყვეტილების მისაღებად საჭირო გახდა ევროკავშირის შავი სიიდან სამი რუსი ოლიგარქის ამოღება.
„უნგრეთი სისტემატურად იქცევა ევროპის უსაფრთხოების საერთო ინტერესების წინააღმდეგ, ამიტომ ჩვენ უნდა კონკრეტული ნაბიჯები გადავდგათ და გადავიდეთ 7 მუხლის პროცედურაზე, ანუ შევუჩეროთ უნგრეთს ხმის უფლება“, – განაცხადა ცაჰკნამ.
კომენტარები