რუსეთის პრეზიდენტმა, ვლადიმირ პუტინმა უკრაინის ენერგეტიკულ ობიექტებზე დარტყმების შეწყვეტის შესახებ ბრძანება გასცა.
როგორც კრემლში აღნიშნეს, ვლადიმირ პუტინმა მხარი დაუჭირა აშშ-ის პრეზიდენტის, დონალდ ტრამპის იდეას, რუსეთისა და უკრაინის მიერ ენერგეტიკულ ინფრასტრუქტურაზე თავდასხმებზე 30 დღით უარის თქმის შესახებ.
„სატელეფონო საუბრის დროს დონალდ ტრამპმა წამოაყენა წინადადება კონფლიქტის მხარეების მიერ 30 დღით ენერგეტიკული ინფრასტრუქტურის ობიექტებზე დარტყმებზე უარის თქმის შესახებ. ვლადიმირ პუტინი დადებითად გამოეხმაურა ამ ინიციატივას და მაშინვე გასცა რუსეთის სამხედროებს შესაბამისი ბრძანება“, – ნათქვამია კრემლის განცხადებაში.
მანამდე ტრამპსა და პუტინს შორის სატელეფონო საუბარი შედგა.
კომენტარები