“მოტოციკლებით და ცხენებით გადარბენა, ყიჟინა და დავლური გლახად მოქმედებს ჩვენს ნერვებზე”

ირაკლი ალასანიას  მეუღლე, ფსიქოლოგი ნათია ფანჯიკიძე,  ბაიკერებისთვის, საქართველოს საზღვარის დაკეტვასთან დაკავშირებით, მოტიციკლისტი დიმიტრი ხრიპკოვის ინფორმაციას ეხმაურება და სოციალურ ქსელში პოსტს აქვეყნებს:

“მგონი მთლად წასული არაა ჩვენი საქმე, ქვეყანა და საზღვრის ნაკუწი აღმოგვაჩნდა.
სტუმრად მობრძანდეს ვისაც უნდა, რუსი იქნება თუ მონღოლი, ოღონდ სტუმრად და ისე, როგორც სტუმრები იქცევიან. ნახევრად დაპყრობილ ქვეყანაში თავხედურად დროშების ფრიალით, მოტოციკლებით და ცხენებით გადარბენა, ყიჟინა და დავლური გლახად მოქმედებს ჩვენს ნერვებზე.
თანაც ნერვებს თვითონვე კარგად ვუშლით ერთმანეთს, გარეშეები არ გვჭირდება”. – წერს ნათია ფანჯიკიძე.

ქართველმა მესაზღვრეებმა 50-მდე რუსი ბაიკერი საქართველოში არ შემოუშვეს