პარლამენტის პლენარულ სხდომაზე მცირე სიტყვიერი დაპირისპირება მოხდა. ერთმანეთს პარლამენტის თავმჯდომარე ირაკლი კობახიძე და „ევროპული საქართველოს“ წევრი სერგო რატიანი დაუპირისპირდნენ.
სერგო რატიანმა მმართველ გუნდს ახალი საარჩევნო სისტემის პროექტი დაუწუნა.
„საარჩევნო სისტემა, რომელიც შემოგვთავაზეთ, მეოცე საუკუნის დასაწყისში მუსოლინიმ შესთავაზა იტალიის პარლამენტს და მართალი გითხრათ, არსებობს შემეცნებითი ინტერესი იტალიელი ფაშიტების. ამ სისტემამდე თქვენ მიხვედით აქამდე თუ ისტორიას ჩახედავთ“,- განაცხადა სერგო რატიანმა.
კობახიძის განცხადებით, წინა ხელისუფლების მიერ დატოვებულ საარჩევნო სისტემას დემოკრატიული საარჩევნო სისტემით ცვლის.
“მუსოლინის სისტემა თქვენ დაგვიტოვეთ მემკვიდრეობით და ჩვენ ამ სისტემას ვცვლით დემოკრატიული საარჩევნო სისტემით, ესაა ჩვენი პოლიტიკური ნება, ჩვენი ხელით ვჭრით იმ სისტემას, რომელიც დაგვიტოვა თქვენმა ხელისუფლებამ“, – განაცხადა ირაკლი კობახიძემ.