პოლონეთის საგარეო საქმეთა მინისტრმა, რადოსლავ სიკორსკიმ განაცხადა, რომ ოფიციალური ვარშავა უკრაინაში საკუთარი ჯარისკაცების გაგზავნის გეგმას არ განიხილავს. ინფორმაციას პოლონური მედია ავრცელებს.
„თავდაცვის მინისტრს, მთავრობის თავმჯდომარეს, ასევე მე არაერთხელ გვითქვამს, რომ ჩვენი მონაწილეობა ოპერაციაში უკრაინულ მიწაზე პოლონელი ჯარისკაცების ყოფნას არ გულისხმობს“, – თქვა სიკორსკიმ.
სიკორსკიმ აგრეთვე დასძინა, რომ პოლონეთი უკრაინას საავიაციო მხარდაჭერით უზრუნველყოფს, დაიცავს ლოჯისტიკურ კვანძს და რუსეთ-ბელარუსის საზღვრის 600-კილომეტრიან მონაკვეთს გააკონტროლებს, რათა იმ საჯარისო შენაერთების უსაფრთხოება უზრუნველყოს, რომლებიც უკრაინაში გაიგზავნება.
ცნობისთვის, აშშ-ის პრეზიდენტის სპეციალურმა წარმომადგენელმა კიტ კელოგმა განაცხადა, რომ ამერიკა განიხილავს გეგმას, რომლის თანახმადაც უკრაინაში, მდინარე დნეპრის დასავლეთ სანაპიროზე დიდმა ბრიტანეთმა, საფრანგეთმა, გერმანიამ და პოლონეთმა საკუთარი სამხედროები უნდა განათავსონ.