უკრაინის შეიარაღებული ძალების ყოფილმა მთავარსარდალმა, ამჟამად ელჩმა დიდ ბრიტანეთში, ვალერი ზალუჟნიმ განაცხადა, რომ არავის უნდა ჰქონდეს იმედი, რომ უკრაინის საზღვრები 1991 წლის პერიოდს დაუბრუნდება. ინფორმაციას უკრაინული მედია ავრცელებს.
„იმედი მაქვს, რომ ამ დარბაზში აღარ არიან ადამიანები, რომლებსაც ჯერ კიდევ იმედი აქვთ რაღაცა სასწაულის, ან თეთრი გედის, რომელიც უკრაინას მშვიდობას მოუტანს და საზღვრებს 1991 წლის ან 2022 წლის პერიოდში დააბრუნებს და იქნება დიდი ბედნიერება“, – თქვა ზალუჟნიმ ერთ-ერთ ღონისძიებაზე გამოსვლისას.
უკრაინის შეიარაღებული ძალების ყოფილმა მთავარსარდალმა აგრეთვე დასძინა, რომ რუსეთს აქვს რესურსები უკრაინის ტერიტორიაზე დარტყმების მისაყენებლად და შეტევითი ოპერაციების საწარმოებლად.
კომენტარები