ევროკავშირის საგარეო პოლიტიკური უწყების ხელმძღვანელმა, კაია კალასმა სერბეთს დასავლეთსა და აღმოსავლეთს შორის არჩევანის გაკეთებისკენ მოუწოდა. ეს განცხადება კაია კალასმა ბელგრადში ვიზიტის დროს გააკეთა და ამით ალექსანდრ ვუჩიჩის მოსკოვში, 9 მაისის აღლუმზე დასწრებას გამოეხმაურა, რასაც ბრიუსელის კრიტიკაც მოჰყვა.
კალასმა ასევე აღნიშნა, რომ ევროკავშირში წევრობისკენ რეალური წინსვლისთვის, საჭიროა რეფორმები, მედიის თავისუფლების უზრუნველყოფა, კორუფციასთან ბრძოლა და საარჩევნო რეფორმა.
„სერბეთი სტრატეგიული, გეოსტრატეგიული არჩევანის წინაშე დგას, სად სურს ყოფნა. სერბეთის ევროპული მომავალი დამოკიდებულია იმ ღირებულებებზე, რომელთა დაცვასაც ის გადაწყვეტს. სერბეთის პოლიტიკურ ხელმძღვანელობასთან ჩემი საუბრებიდან გასაგებია, რომ ევროკავშირში წევრობა რჩება სტრატეგიულ მიზნად, თუმცა მინდა, ხაზი გავუსვა, რომ ჩვენ გვჭირდება, ვნახოთ ქმედებები, რომლებიც ადასტურებენ და აძლიერებენ ამ სიტყვებს“, – განაცხადა კაია კალასმა.