აშშ-ის პრეზიდენტმა, დონალდ ტრამპმა განაცხადა, რომ ისრაელმა შესაძლოა ირანის ბირთვულ ობიექტებზე მიიტანოს იერიში.
„არ მინდა ვთქვა, რომ გარდაუვალია, მაგრამ, როგორც ჩანს, ეს არის ის, რაც, შესაძლოა, სავსებით მოხდეს,“ – განუცხადა ტრამპმა ჟურნალისტებს კითხვაზე, დაესხმება თუ არა ისრაელი ირანს.
თუმცა, მან მოუწოდა ისრაელს, არ დაარტყას ირანს და აღნიშნა, რომ თეირანის ბირთვულ პროგრამაზე შეთანხმება კვლავ ახლოსაა.
„ჩვენ საკმაოდ ახლოს ვართ კარგ შეთანხმებასთან. არ მინდა, რომ დაიწყონ კონფლიქტი, რადგან ვფიქრობ, ეს ყველაფერს გააფუჭებს. სიამოვნებით ავარიდებდი თავს კონფლიქტს. ირანს მოუწევს მოლაპარაკება, რაც ნიშნავს, რომ მათ მოუწევთ მოგვცენ ის, რის მოცემასაც ამჟამად არ აპირებენ“, – დასძინა მან.
კომენტარები