საფრანგეთის პრეზიდენტი, ემანუელ მაკრონი მიიჩნევს, რომ თუ ვლადიმირ პუტინი გააგრძელებს უკრაინის პრეზიდენტთან შეხვედრისთვის თავის არიდებას, ამერიკის პრეზიდენტმა ეს უპასუხოდ არ უნდა დატოვოს.
მაკრონმა აღნიშნა, რომ ალიასკის სამიტის დროს, პუტინმა ტრამპს უთხრა, რომ ზელენსკისთან შეხვედრაზე თანახმა იყო, რის შემდეგაც მოსკოვმა დაიწყო მიზეზების მოგონება, თუ რატომ არ არიან ჯერ მზად ამისთვის.
საფრანგეთის ლიდერის თქმით, თუ 1-ელ სექტემბრამდე შეხვედრა არ შეთანხმდება, „ეს ნიშნავს, რომ პრეზიდენტმა პუტინმა პრეზიდენტი ტრამპი გააბითურა […] და ამას არ შეიძლება პასუხი არ მოჰყვეს“.
„ჩვენ ორივე ვიკონტაქტებთ პრეზიდენტ ტრამპთან… და თუ მომავალ კვირაში მოგვიწევს იმის დაფიქსირება, რომ თვეების განმავლობაში შეუსრულებელი დაპირებების შემდეგ კიდევ ერთხელ არაფერი მოხდა, ჩვენ ძალიან მკაფიოდ მოვუწოდებთ პირველადი და მეორადი სანქციების დაწესებისკენ“, – დასძინა მან.