„ფონდში არის ძალიან ბევრი, არ ვიცი, ალბათ ათი ათასობით ჩარიცხვა. დაწყებული ერთი ლარიდან, დამთავრებული ათი ათასობით ლარით. პროკურატურას აინტერესებდა ბაჩიაშვილის და გილაურის თანხა რისთვის იყო, მიუხედავად იქ მიზნობრიობა იყო. საჯარო იყო რატომ ჩარიცხა ორივემ“, – განუცხადა ნანუკა ჟორჟოლიანმა დაკითხვის შემდეგ ჟურნალისტებს.
„ქრონიკის“ ჟურნალისტის კითხვას, რომ ფონდის თავდაპირველი მიზანი იყო სხვა და რატომ შეიცვალა ეს მიზნები ფონდმა, ნანუკა ჟორჟოლიანმა უპასუხა: „ძალიან საყვარელი ხარ, მაგრამ შენზე დროს ვერ დავკარგავ“.
„ძალიან ცუდი პროპაგანდის ნაწილი ხარ, ეს არის ჩემი პასუხი და ძალიან გთხოვთ, ნუ მისწორებთ. თქვენ ხართ ძალიან ცუდი პროპაგანდის ნაწილი და თქვენზე დროს ვერ დავკარგავ“, – აღნიშნა ნანუკა ჟორჟოლიანმა.
მან „ქრონიკის“ ჟურნალისტს ფონდის წესდების წაკითხვა მოსთხოვა, უარის გამო კი კითხვის უცოდინარობაში დაადანაშაულა.
ჟურნალისტის მიმართვაზე, რომ პირადი შეურაცხყოფა მისსავე ეთიკაზე მეტყველებს, ნანუკა ჟორჟოლიანმა განაცხადა: „სიტყვა ეთიკას „იმედი“ ნუ ახსენებთ, თორემ შეიძლება მეხი დაგეცეთ“.
ცნობისთვის, ნანუკა ჟორჟოლიანი გენერალურ პროკურატურაში მიმდინარე გამოძიების ფარგლებში იყო დაბარებული.