“საარჩევნო პროცესის კეთილსინდისიერების ხარისხი და სტანდარტები ყველგან მაღალია”

საარჩევნო პროცესის კეთილსინდისიერების ხარისხი და სტანდარტები ყველგან მაღალია, – განაცხადა საერთაშორისო დამკვირვებელმა, ევროპარლამენტის წევრმა ადნრაშ ლასლომ, რომელიც საქართველოში ადგილობრივი თვითმმართველობის არჩევნების მიმდინარეობას აკვირდება.

მან იმედი გამოთქვა, რომ არჩევნების პროცესი მშვიდობიან გარემოში გაგრძელდება.

„რამდენიმე საარჩევნო უბანზე ვიყავი საქართველოში, ვაკვირდებით კენჭისყრას. საარჩევნო პროცესის კეთილსინდისიერების ხარისხი და სტანდარტები ყველგან მაღალია. პერსონალი სრულ მზადყოფნაშია. ყველა საარჩევნო უბანზე ვიხილეთ ადგილობრივი დამკვირვებლებიც. არ გვსმენია არანაირი პროვოკაციის შესახებ არცერთ უბანზე. იმედი გვაქვს, რომ დღის ბოლომდე ასე გაგრძელდება – საარჩევნო პროცესი დღის ბოლომდე იქნება მშვიდობიანი და ახალი მერები და ადგილობრივი წარმომადგენლები, მიიღებენ თავიანთ მანდატებს და იმუშავებენ ქართველი ხალხის მიერ დემოკრატიულად გაკეთებული არჩევანის შესაბამისად“, – განაცხადა ლასლომ.