ახალი ამბების ირლანდიური გამოცემა The Islander-ი გუშინ თბილისში განვითარებულ მოვლენებში საქართველოს ყოფილ პრეზიდენტს სალომე ზურაბიშვილს ადანაშაულებს.
გამოცემის ცნობით, თბილისში გუშინდელი ქაოსის სცენარისტი სალომე ზურაბიშვილია.
„ექს-პრეზიდენტი სალომე ზურაბიშვილი თბილისში გუშინდელი ქაოსის სცენარისტია: მოახდინე პროტესტების პროვოცირება, მიატანინე მომიტინგეებს შტურმი პრეზიდენტის სასახლეზე, უყურე მათ მარცხს, ხოლო შემდეგ ყველაფერში მთავრობა დაადანაშაულე. დასავლეთის სცენარი თავისით იწერება: როცა გადატრიალება ჩავარდება, თქვი, რომ „ეს იყო ინსცენირებული პროვოკაცია“, – წერს The Islander-ი.
გამოცემის ავტორის აზრით, ქართველებს ამ სცენარების არ სჯერათ. „ფერადი რევოლუციების ასეთი თეატრი მათ უკვე ნანახი აქვთ: იგივე არასამთავრობო ორგანიზაციები, უცხოური აგენტები, დროშები, კურატორები, რომლებიც ბრიუსელიდან და ვაშინგტონიდან იმართებიან“.
თბილისი არ აჯანყებულა თავისუფლებისთვის, ეს იყო სუვერენული სახელმწიფოს წინააღმდეგ მიმართული იმპორტირებული ისტერია, რომელმაც გაბედა და თავად დაიწყო ფიქრი. ხოლო, როცა სახელმწიფო უარს ამბობს მისთვის განსაზღვრული როლის შესრულებაზე, იმპერია ამას კრიზისს ეძახის, იმიტომ რომ დაუმორჩილებლობა – ერთადერთია, რასაც მათი სცენარი ვერ აკონტროლებს, – აღნიშნულია სტატიაში.