დეტალურად მივაწოდე გამოძიებას ინფორმაცია ჩემზე და ჩემ ოპერატორზე, გურამ ხუხუნაშვილზე თავდასხმის ფაქტზე, – განაცხადა „იმედის“ ჟურნალისტიმა ნინი გოგიშვილმა საგამოძიებო უწყების დატოვების შემდეგ, სადაც მან ჩვენება 4 ოქტომბერს მომხდარ თავდასხმასთან დაკავშირებით მისცა.
მისი თქმით, დაჯგუფების წევრები, რომელიც ხელისუფლების დამხობას ცდილობდნენ აკეთებდნენ ყველაფერს იმისთვის, რომ მედიის წარმომადგენლებისთვის პროფესიული მოვალეობის შესრულებაში ხელი შეეშალათ. მათ შორის ადგილი ჰქონდა ფიზიკურ ძალადობასაც.
„ჩვენ ვაშუქებდით ათონელის მიმდებარე ტერიტორიას რა ხდებოდა, როგორ ანგრევდნენ ჯებირებს, როგორ ისროდნენ სხვადასხვა ნივთებს. სწორედ ამის გამო ისინი გვიშლიდნენ, რომ ეს ინფორმაცია მაყურებლამდე სრულად მიგვეწოდებინა. დაიწყეს ჯერ სიტყვიერი შეურაცხყოფა, შემდეგ უკვე ფიზიკური შეურაცხყოფა. ჩემ ოპერატორს დაუმტვრიეს კამერა“, – განაცხადა ნინი გოგიშვილმა.
შეგახსენებთ, რომ 4 ოქტომბერს „ქრონიკისა“ და „საზოგადოებრივი მაუწყებლის“ გადამღებ ჯგუფებზე განხორციელებულ თავდასხმასთან დაკავშირებით გამოძიება მიმდინარეობს. საგამოძიებო უწყებამ ჟურნალისტები და ოპერატორები გამოკითხა.