იმ სიგიჟეების შემდეგ, რაც ხაზარაძემ და „ლელომ“ აკეთეს, ხაზარაძის პოლიტიკიდან წასვლას ველოდები, – ამის შესახებ „გირჩის“ ლიდერმა, იაგო ხვიჩიამ განაცხადა.
ხვიჩიას კითხვა დაუსვეს „ლელოში“ გაკეთებულ განცხადებაზე, რომ „ლელომ“ საკრებულოებში თავისი კუთვნილი ადგილები უნდა დაიკავოს.
„იმ სიგიჟეების შემდეგ, რაც ბოლო ერთი წლის განმავლობაში ხაზარაძემ და „ლელომ“ აკეთეს, ველოდები, რომ ხაზარაძე პოლიტიკიდან წავა და საერთოდ „დაიკიდებს“ ამ ყველაფერს. ამ სიგიჟეში მეტ ფულს აღარ ჩაასხამს. მგონია, ძალიან რთულია, ვინმემ დაინახოს „ლელოს“ ჭკვიანური ინვესტიცია პოლიტიკაში, თუ არ ჩავთვლით იმას, რომ პარალელურად, ბევრ ფულს შოულობს ხაზარაძე პოლიტიკაში ყოფნისას. როგორ შეიძლება, არ დაიღალო იმ სიგიჟით, რასაც ხაზარაძე აკეთებს მას შემდეგ, რაც პოლიტიკაში მოვიდა. პარლამენტში არშესვლა და ბოიკოტი შეცდომა იყო, ამის მონანიების გარეშე თქვა, რომ ორი კაცით დავანგრევთ თბილისის საკრებულოს, უბრალოდ არასერიოზულია, მაგრამ „ლელოსგან“ არასერიოზულობა ვის უკვირს“, – განაცხადა იაგო ხვიჩიამ.