ამაღლობელმა, ყოველგვარი ემოციებისგან დაცლილმა, მიზანმიმართულად, მისგან ფიზიკურად უკვე მოცილებული პოლიციელი ფიზიკური ძალის გამოყენებით მოაბრუნა და სახეში სილა გააწნა, – განაცხადა „ქართული ოცნების“ კომუნიკაციების სამსახურის ხელმძღვანელმა, გიორგი გრძელიშვილმა, პარტიის ცენტრალურ ოფისში გამართულ ბრიფინგზე.
გრძელიშვილის განცხადებით, მზია ამაღლობელის ხელით მისმა პატრონებმა „სილა გააწნეს სახელმწიფოს“, რითაც სცადეს ქართული სახელმწიფოს არსის ფეხქვეშ გათელვა.
„ამაღლობელის პატრონებისთვის ეს იყო სილა, რომელიც იმ მომენტში გააწნეს სახელმწიფოს, რადგან ფეხქვეშ გაეთელათ სახელმწიფოს არსი. საპასუხოდ კი მიიღეს კანონის განუხრელად აღსრულება. ამაღლობელის გმირად გამოცხადება არ მხოლოდ მისი წახალისებაა, არამედ სიგნალია აგენტებისთვის, რომ გმირების რიგებში ჩაეწერება ყველა, ვინც განუხრელად შეასრულებს დიპ სტეიტის დავალებებს”,- განაცხადა გიორგი გრძელიშვილმა.