თბილისიდან ბერლინში კონსულტაციებისთვის ელჩის გაწვევასთან დაკავშირებით დასმულ კითხვას გერმანიის სახელმწიფო მინისტრი ევროპის საკითხებში არ პასუხობს.
კითხვაზე პასუხის ნაცვლად, გუნტერ კრიჩბაუმმა „ქრონიკასთან“ საქართველო-ევროკავშირის ურთიერთობებზე ისაუბრა.
„რა თქმა უნდა, ყველა ვარიანტი მაგიდაზეა. საქართველოში მოვლენების განვითარება ევროპასთან მიმართებით მართლაც იმედგაცრუების მიზეზია. ჩვენ რა თქმა უნდა ვართ სამოქალაქო საზოგადოების გვერდით და მათ მხარს ვუჭერთ, მაგრამ მთავრობისა და ხელისუფლების ქცევა მიუღებელია. ყველა ვარიანტი, მართლაც ყველა ვარიანტი მაგიდაზეა”, – განაცხადა გერმანიის სახელმწიფო მინისტრმა ევროპის საკითხებში გუნტერ კრიჩბაუმმა.
გერმანიის საგარეო საქმეთა სამინისტრომ საქართველოში ქვეყნის ელჩის, პეტერ ფიშერის კონსულტაციებისთვის გაწვევა გადაწყვიტა. ინფორმაცია უწყებამ სოციალურ ქსელში გაავრცელა.