დღეს, მთელი ქვეყნის მასშტაბით, 4 ოქტომბრის არჩევნების შედეგად არჩეული საკრებულოების პირველი სხდომები დღეს პირველად გაიმართება.
მერვე მოწვევის თბილისის საკრებულოს პირველ სხდომას ცენტრალური საარჩევნო კომისიის თავმჯდომარე გიორგი კალანდარიშვილი გახსნის. ხოლო რეგიონებში სხდომებს შესაბამისი საოლქო საარჩევნო კომისიების თავმჯდომარეები გახსნიან.
პირველ სხდომაზე საორგანიზაციო საკითხები განიხილება. დღის წესრიგის მიხედვით, აირჩევენ საკრებულოების თავმჯდომარესა და მის მოადგილეებს, ასევე დაკომპლექტდება ფრაქციები და კომისიები და აიჩევენ კომისიის თავმჯდომარეებს. თბილისის საკრებულოს სხდომა დღეს 11:00 საათზეა ჩანიშნული.
კომენტარები