აშშ-ის არმიის გადამდგარმა პოლკოვნიკმა და სახელმწიფო მდივნის ადმინისტრაციის ყოფილმა უფროსმა ლოურენს უილკერსონმა აღმოსავლეთ ნორვეგიის უნივერსიტეტის პროფესორის გლენ დისენის პოდკასტში აშშ-ის მიერ არასამთავრობო ორგანიზაციების გამოყენებაზე ისაუბრა.
მან უკრაინის მაგალითზე განიხილა, თუ როგორ მოქმედებდნენ აშშ-ის ცენტრალური სადაზვერვო სააგენტოსა (CIA) და ჯარის წარმომადგენლები „ენჯეოების“ გამოყენებით ქვეყნის ნატოსთან დაკავშირების მიზნით. მისივე თქმით, ანალოგიური ქმედებები საქართველოშიც განხორციელდა.
„ეს ყველაფერი ძალიან ადრე დაიწყო. ერთსა და იმავე დროს. ჩვენ ვყიდულობდით გაზეთების რედაქტორებს, ვყიდულობდით გაზეთებს, ვყიდულობდით ტელეკომპანიებს, ვიყენებდით „ენჯეოებს“, ისე, რომ არც იცოდნენ – CIA-ს აგენტები იქაც გვყავდა და ვასწავლიდით, იარაღს ვაწვდიდით ლიბერალურ დემოკრატიას.
იგივე გავაკეთეთ საქართველოში. ეს ყველგან გავაკეთეთ და ძალიან წარმატებულები ვიყავით. მახსოვს, ხალხი მეკითხებოდა – თქვენი აზრით, რატომ თქვა უცებ ამ ხალხმა უარი ნეიტრალიტეტზე და ნატოში გაწევრიანება მოინდომა? გინდათ იცოდეთ რატომ? ჩვენ ავაწყვეთ მათი მთავრობები. ჩვენ ვუხდიდით ფულს მათ მთავრობებს. ეს არის მოდელი, რომელიც ადრეც გამოგვიყენებია და შემდეგ ის ევროპაში გამოვიყენეთ. ჩვენ CIA გამოვიყენეთ, მაგრამ არა როგორც CIA. ჩვენ გვყავდა „ენჯეოები“, რომლებიც ლიბერალურ დემოკრატიას იყენებდნენ იარაღად, ხალხის იმაში დასარწმუნებლად, რომ პირველი – „რუსები, რუსები“ და მეორე – საუკეთესო თავდაცვა ლიბერალური დემოკრატიაა და თუ გინდათ ლიბერალური დემოკრატია, უნდა გააკეთოთ ეს, ესა და ეს. და პირველ რიგში ნატოში უნდა მოხვიდეთ“, – განაცხადა უილკერსონმა.