პოლონეთმა, რუსეთის მიერ უკრაინაზე განხორციელებული კომბინირებული, მასირებული თავდასხმის გამო, საჰაერო ავიაცია აამოქმედა. ინფორმაციას ამის შესახებ პოლონეთის შეიარაღებული ძალების ოპერატიული სარდლობა სოციალურ ქსელში ავრცელებს.
როგორც ოპერატიულ სარდლობაში აცხადებენ, ხმელეთზე განლაგებული საჰაერო თავდაცვისა და რადარის სისტემები მზადყოფნაშია მოყვანილ
„რუსეთის ფედერაციის მიერ უკრაინის ტერიტორიაზე განლაგებულ სამიზნეებზე თავდასხმის საპასუხოდ, პოლონეთმა და მოკავშირე საჰაერო ძალებმა პოლონეთის საჰაერო სივრცეში ოპერაციები დაიწყეს. გამანადგურებლები აფრინდნენ, ხოლო ხმელეთზე განლაგებული საჰაერო თავდაცვისა და რადარის სისტემები მზადყოფნაშია მოყვანილი“, – აღნიშნულია ქვეყნის შეიარაღებული ძალების ოპერატიული სარდლობის მიერ გავრცელებულ განცხადებაში.
ოპერატიული სარდლობის ინფორმაციით, ეს ოპერაციები პრევენციული ხასიათისაა და საჰაერო სივრცის უსაფრთხოების უზრუნველყოფას ისახავს მიზნად.
განცხადების თანახმად, პოლონეთის შეიარაღებული ძალების ოპერატიული სარდლობა სიტუაციას აკვირდება, ხოლო დაქვემდებარებული ძალები და რესურსები დაუყოვნებელი რეაგირებისთვის მზადყოფნაში რჩებიან.